真真悲哀！

本來招聘刊物係畀一 d  待業 (想跳槽另作別論) o既人搵工，尤其果 d  失業無飯開o既人更加急需；而家竟然畀班阿婆阿伯大疊大疊拎黎當廢紙賣，賣得果一角幾毫都係想搵多兩粒飯食下！目的相同！

你話悲哀咩？又真係好悲哀。但從另一方面睇，班阿婆阿伯o既行為其實唔係好o岩。呢 d  刊物係畀人搵工用，應該一人拎一份，呢個係公德心。但而家佢o地吼住 d  招聘刊物一擺出黎，就爭相搶奪一空，令到一 d  真係有需要搵工o既人喪失左睇呢本刊物求職o既機會。而出版商方面為應市場所需，可能會加大印刷量，結果造成浪費，有損環境 (印得越多，搶得越多) 。o係刊物上落廣告o既廣告商，所登o既廣告如果大部份都唔係畀人睇，佢o地所付出o既廣告費亦會變得毫無意義。

咁你話喇，佢o地為o左變賣得黎呢 $3，所帶黎既負面影響係咪好大先？仲有唔好忘記喎，變賣廢紙係畀 d  回收商作環保工業用，到頭來反而造成咁大o既浪費。係咪矛盾先？

咁點解呢「罪惡o既 $3」對佢o地黎講咁重要呢？冇錯講到尾都係為o左 Ｓ 兩棟。所以，以前會用臨老「執紙皮」黎提醒 d  客要早早做好退休準備，睇完呢篇新聞後，我諗要改口為臨老「搶報紙」喇！

窮長者為3元搶《招職》 廢紙跌價要開源 日日港鐵站「開戰」 【明報專訊】金融海嘯下回收紙價急挫三分之二，拾荒長者急於「開拓」新紙源。近月來每逢星期二、星期五走過黃大仙港鐵站，都有數十名長者在閘外「兩岸」排開，人龍愈來愈長，他們均帶着焦急眼神不停招手，苦苦哀求﹕「唔該做吓好心，幫我攞份《招職》啦！」